Aðventuhátíð Kvenfélags Ólafsvíkur

Aðventuhátíð Kvenfélags Ólafsvíkur verður í Ólafsvíkurkirkju sunnudaginn 2. desember klukkan 20.

Guðsþjónusta í Ólafsvíkurkirkju

Guðsþjónusta verður í Ólafsvíkurkirkju sunnudaginn 25. nóvember kl. 14.

 

Síðasti sunnudagur kirkjuársins

Litur: Grænn eða hvítur.

Textaröð: A

Lexía: Jes 65.17-19

Pistill: Róm 8.18-25

Guðspjall: Matt 25.31-46

Sálmar:  864, 875, 63; 912, 847.

Sunnudagaskóli í vetur

Munum eftir sunnudagaskólanum í Ólafsvíkur- og Ingjaldshólssóknum, sem verður þrjá eða fjóra sunnudaga fyrir jól í Ingjaldshólskirkju kl. 11.

Takið frá dagana 21. og 28.  október, 4. nóvember, 25. nóvember og 2. desember.

 

Ekki gleyma þeim fjársjóð sem börnin hafa aðgang að í sunnudagaskólanum og mömmur og pabbar með.

Kristniboðsdagur í Ingjaldshólskirkju og skólakór

Fjölskylduguðsþjónusta í Ingjaldshólskirkju sunnudaginn 11. nóvember kl. 11.

Sambland almennrar guðsþjónustu og sunnudagaskóla/barnaguðsþjónustu.

Skólakór Snæfellsbæjar syngur.

 

Kristniboðsdagurinn – Annar sunnudagur í nóvember

Textaröð: A

Lexía: Jes 12.2-6

Pistill: Róm 10.8-17

Guðspjall: Matt 28.16-20

Sálmar: Shalom chaverin, Hallelú, 942; Ég vil líkjast, Rock my soul.

 

Kirkjuklukkum hringt gegn einelti og kynferðisofbeldi

Kirkjuklukkum verður hringt fimmtudaginn 8. nóvember til að kalla okkur til að berjast í umhverfi okkar gegn einelti og kynferðisofbeldi.

„Við ætlum að vera góð fyrirmynd og leggja okkar af mörkum til þess að vinna bug á því samfélagslega böli sem einelti er“ segir í þjóðarsáttmála sem undirritaður var þann 8. nóvember 2011, á degi gegn einelti.

Árlegur dagur gegn einelti og kynferðisofbeldi í öllum aldurshópum á heimsvísu hjá 193 aðildarfélögum Sameinuðu Þjóðanna verður haldinn skv. venju 8. nóvember n.k.  

Hér er um íslenskt frumkvæði að ræða.  Er fólk um allan heim hvatt til að sýna samstöðu í baráttunni gegn einelti og kynbundnu ofbeldi með því að hringja alls konar bjöllum kl. 13 að staðartíma hvers lands.

 

Kirkjuklukkum skal hringt í sjö mínútur kl. 13 – 13:07, í eina mínútu fyrir hvern dag vikunnar.

Einelti er því miður staðreynd víða og afleiðingar þess skelfilegar.  Það sama á við um kynferðisofbeldi.  Markmiðið er að uppræta hvorutveggja og þátttaka í klukknahringingu um heim allan þennan dag er liður í því.  Þjóðkirkjan boðar trú á kærleiksríkan Guð sem elskar öll sín börn og hefur þéttriðið þjónustunet í kringum landið.  Látum hljóm klukknanna hringinn í kringum landið minna okkur á vonina um betra líf og sigur hins góða. 

Kirkjuklukkum verður líka hringt í Ólafsvíkur- og Ingjaldshólsprestakalli, það er í Ólafsvíkurkirkju klukkan 13 í 7 mínútur.
Ekki verður hringt í hinum kirkjunum, en þar mundu fáir heyra í þeim, en klukkur Ólafsvíkurkirkju hljóma fyrir þær einnig.
Leggjumst öll á eitt og berjumst gegn einelti og kynferðisofbeldi .

Allra heilagra/sálna messa í Ólafsvíkurkirkju

Allra heilagra messa og allra sálna messa í Ólafsvíkurkirkju kl. 14 sunnudaginn 4. nóvember.  

 
Í messunni verður sérstaklega minnst látinna ástvina og kveikt á kertum, í tilefni allra heilagra messu og allra sálnamessu.  Nefnd verða nöfn þeirra sem látist hafa á undanförnum 3 árum og skráðir í kirkjubækur prestakallsins.
Hægt er að nefna fleiri við sóknarprest svo nöfn þeirra verði einnig lesin eða setja nafn í box í forkirkjuna fyrir athöfn.
Altarisganga

Kaffi í safnaðarheimilinu eftir athöfn. Allir velkomnir.

 

Allra heilagra messa.

1. nóvember – fyrsti sunnudagur í nóvember.
Litur: Hvítur eða rauður.

 

Textaröð: A

Lexía: Jes 60.19-21

Pistill: Opb 7.9-12

Guðspjall: Matt 5.1-12

Sálmar: 865, 2 (1v), 523; kveðja, 891, 893.

Barmmerki Ólafsvíkurkirkju

Nýtt barmmerki Ólafsvíkurkirkju hefur verið gefið út.

Það er til í gylltri og silfurlitaðri útgáfu.

 

Merkið er selt til styrktar aðgengismálum kirkjunnar á 2.500,- stykkið.

Síður

Subscribe to Ólafsvíkur- og Ingjaldshólsprestakall RSS